"Calidad y Profesionalismo ta locual cu nos ta garantisa"
Historia di FEPA
Fundacion Enseñansa Pa Aruba (FEPA) a ser lanta na 2007 cu e meta pa promove enseñansa na Aruba, muy special nos enseñansa pa adulto. Oficialmente FEPA ta reconoci door di Land Aruba desde 2019. Nos fundacion ta kere cu un di e miho maneranan pa subi calidad di bida y combati pobresa, desempleo y criminalidad ta pa sigui un of mas estudio.
Nos Mision
E mision di FEPA ta pa sirbi cu excelencia y honestidad nos cursistanan y studiantenan y tambe e comunidad di Aruba cu programanan di calidad y profesionalismo pa ''her-, om- en bijscholing''.
Nos Vision
E vision di FEPA ta pa bira lider den enseñansa pa adulto na Aruba atraves di duna oportunidad na e pueblo di Aruba pa logra obtene mas conocimiento atraves di nos cursonan y estudionan, pa asina mehora e calidad di bida y mercado laboral den e siguiente añanan.
Nos Balornan
E balornan cu FEPA ta refleha den su maneho ta e Responsabilidad, Dedicacion, Profesionalismo den progreso continuo, Excelencia, Eficiencia y Amistad pa tur esnan cu kier sigui crece profesionalmente.
Conoce nos Bestuur
Na aña 2007 e tres cabayeronan aki, Roberto P.E. Koolman, Randolf M. Vrolijk y Hubert E. Werleman a tuma e paso y a comberti un soño den un realidad pa Aruba y lanta e Fundacion Enseñansa pa Aruba, FEPA.
Hubert Werleman
Tesorero
Randolf Vrolijk
Director
Roberto Koolman
Secretario